Кундуз Жолдубаева азыр партиянын айланасында болуп жаткан окуялар КСДП партиясынын ичинде ар дайым чыккынчылык болуп келгени менен түшүндүрөт.
«Саясий уюмдарга кызыккан белгилүү күчтөр бар. Бирок алардын аракетинен эч майнап чыкпайт. Партия күчтүү боло берет»,-дейт Жолдубаева.
КСДПнын официалдуу өкүлү, партиянын 25 жылдык тарыхында эч өксүк болбогонун, каршылыктар көп болгонуна карабай өз иштерин токтоосуз кылып келе жатканын кошумчалады.
Партиянын мурдагы мүчөсү Сагынбек Абдрахманов журналистерге депутат Иса Өмүркулов менен жолукканын айткан. Сүйлөшүүлөрдүн жүрүшүндө ал экс-президент Алмазбек Атамбаевди партиядан чыгаруу маселесин колдогон.
Кийин Иса Өмүркулов «Атамбаевсиз КСДП» кыймылын колдойт деген маалымат дагы таратылган.
Бирок, учурда Өмүркулов бул кыймылды колдой турганы же колдобой турганы али белгисиз.
Социалдык тармактарда экс-депутат Иса Өмүркулов менен мурдагы премьер-министр Жантөрө Сатыбалдиевдин ырдап жаткан видеосу тарады. Тасмада Өмүркулов менен Сатыбалдиев Казакстан …