Уюшкан кылмыштуу топтун мүчөлөрүнө камактагылардан опузалап акча талап кылууга көмөктөшкөн Жалал-Абад облустук ички иштер башкармалыгынын убактылуу кармоочу жайынын мурдагы башчысы кармалды. Бул тууралуу Улуттук коопсуздук мамлекеттик комитетинен билдиришти.
Атайын кызмат УКТ мүчөлөрү милиция кызматкерлеринин активдүү жардамы менен Жалал-Абад шаардык ички иштер башкармалыгынын убактылуу кармоочу жайына камалган адамдардан опузалап акча талап кылуу жана өндүрүү фактыларын аныктап, бөгөт койду.
Убактылуу кармоочу жайдын кызматкерлери тарабынан акчалай компенсация алуу үчүн уюшкан кылмыштуу топтун мүчөлөрүнө ыңгайлуу шарттар түзүлүп, алар убактылуу кармоочу жайдын ичинде ээн-эркин жүрүп, камераларга кирип, соттолуучуларды сабап, ири суммадагы акча талап кылгандыгы аныкталды.
Ошол эле учурда уюшкан кылмыштуу топтун мүчөлөрү камактагылардын туугандарына жана тааныштарына телефон чалып, «MegaPay», «O!Money» жана «МБанк» электрондук капчыктарынын номерлерине акча которууну мажбурлашкан. 2023-жылы уюшкан кылмыштуу топтун мүчөлөрү жогорудагы схема боюнча Убактылуу кармоочу жайларда кармалгандардан 6,5 млн сом алып, кийин «жалпы фонд» деп аталган каражатка чегерилгени такталган.
2024-жылдын 21-февралында тергелип жаткан кылмыш ишинин алкагында Жалал-Абад шаардык ОИИБ УКЖнын мурдагы башчысы С.у.Н., Ош шаарынын 25 — сизосунун «положенеци» А.Т.К. жана Жалал-Абад шаарынын ШИИБ УКЖнын “смотрящийи» болуп саналган М.М.А. уюшкан кылмыштуу схеманын уюштуруучулары — уюшкан кылмыштуу топтун мүчөлөрү кармалып, УКМКнын тергөө абагына киргизилди.
УКМКнын Жалал-Абад облусу боюнча башкармалыгы жогорудагы УКТ мүчөлөрүнүн курмандыгы болушу мүмкүн болгон адамдарга телефон аркылуу кайрылууну өтүнөт.
Тел: УКМК Жалал-Абад облусу боюнча башкармалыгы — (03722) 5-60-49.
Бүгүн, 3-апрелдеги Жогорку Кеңештин жалпы жыйыны учурунда депутат Исхак Масалиев сөз сүйлөп, фракциянын лидери, учурда …
Акыйкатчы институту Ош шаарындагы №5 тергөө абагынын, ошондой эле, улгайган адамдар үчүн жатак интернатта жарандардын …
№2 түзөтүү колониясына торттун ичине катылган телефонду алып кирүүгө бөгөт коюлду. Бул тууралуу Юстиция министрлигине …
Юстиция министрлигинин алдындагы Жаза аткаруу кызматы абак жайлардын биринен тыюу салынган ондогон буюмдар табылганын билдирди. …
Акыйкатчы (Омбудсмен) институтунун кызматкерлери тергөө изоляторунда кармалгандардын, анын ичинде жарандык активист Афтандил Жоробековдун кармоо шарттары …
Кыргызстандын түрмөлөрүндө 2023-жылга карата жаза мөөнөтүн 7634 адам өтөп жатат. Бул тууралуу бүгүн, 12-декабрда Юстиция …
