Бишкек.24.08.2018. Govori. TV.
Бүгүн, 24-августта Индонезияда өтүп жаткан жайкы Азия оюндарында жиу-житсу боюнча финалдык беттештер болуп өттү.
Анда 69 килограмм салмак ченинде Кыргызстандан Төрөкан Багынбай уулу Бириккен Араб Эмиратынын спортчусу Алкирби Талибди жеңип, алтын медаль тагынды.
Төрөкан Багынбай уулу 1/16 финалда ирандык спортчуну утуп, жарым чейрек финалда казакстандык Мансур Хабибуланы жеңген. Чейрек финалдык беттеште Багынбай уулу түркмөнстандык Желилмухаммед Хошанмуродовду 2:0 эсебинде жеңип, жарым финалда таиланддык спортчунун үстүнөн 4:2 эсебинде жеңишке жетти.
Бул Азиада оюндарындагы биздин спортчулардын капчыгындагы 10-медаль болуп эсептелинет.
https://www.facebook.com/100001322322729/posts/1746935972027130/