Бишкек. 30.05. 2018. Govori.TV
КРнын Өкмөтүнө караштуу Мамлекеттик экологиялык жана техникалык коопсуздук боюнча испекциясынын жетекчиси алмашты. Бул тууралуу өздүк булактар маалымдашты.
Анда белгилүү болгондой башка ишке өткөндүгүнө байланыштуу инспекциянын башчысы Канатбек Муратбеков ээлеген кызматынан бошотулуп, ордуна буга чейин «Кыргыз Көмүр» мамлекеттик ишканасын башкарып келген Жолдош Жунушев дайындалган. Тийиштүү буйрукка Өкмөт башчы Мухаммедкалый Абылгазиев кол коюп, жаңы жетекчи бүгүн эмгек жамаатка тааныштырылмакчы.
Эске сала кетсек Канатбек Муратбеков экотехинспекцияны 2015-жылдын 3-декабрынан тарта башкарып келген. Ал эми жаңы жетекчи мамлекеттик жумушка чейин «Аю» көп тармактуу компаниялар тобунда эмгектенип келгени маалым.