«Социал-демократтар» саясий партиясынын лидери Темирлан Султанбековго кол салуу фактысы боюнча сотко чейинки өндүрүш иштери башталган. Бул тууралуу Чүй ОИИББдин басма сөз кызматы билдирди.
«ИИМдин, Чүй ОИИББдин жана Аламүдүн РИИБдин тажрыйбалуу кызматкерлеринен турган ыкчам тергөө тобу түзүлүп, зарыл болгон иш-чаралар жүргүзүлүүдө.
Кечээ, 26-август күнү болжол менен саат 16:45 чамасында Темирлан Султанбеков Фейсбуктагы баракчасы аркылуу түнкү саат 01:30 чамасында анын автоунаасына белгисиз бирөө ок чыгарганын жазган. Анда окуя кайсы жерде болгону так көрсөтүлгөн эмес.
Жогорудагы маалыматтын негизинде милиция кызматкерлери тарабынан бир катар ыкчам иш-чаралар жүргүзүлүп, жыйынтыгында жогорудагы факт Аламүдүн районунун аймагында болгону аныкталган.
Темирлан Султанбеков өзү Алдамүдүн РИИБге 26-август күнү болжол менен саат 18:30 чамасында кайрылып, белгисиз адамдарга карата чара көрүп берүүнү суранган.
Бул факт Кылмыштардын жана жоруктардын бирдиктүү реестрине Кыргыз Республикасынын Жазык кодексинин 266-беренеси (Ээнбаштык) боюнча катталган.
Т.Султанбеков 26-август күнү «Nissan X-TRAIL» үлгүсүндөгү автоунаа менен Кой-Таш айылындагы көчө менен түштүк тарапты карай бара жаткан. Унаанын рулунда айдоочусу А.Б. отурган. Султанбеков жолдо уктап кетип, катуу үн чыкканда ойгонуп кеткен. Айдоочу унааны катуу айдап, К.А. аттуу жарандын үйүнө келип токтоп, унаанын арткы оң жактагы терезеси жабыркагынын байкашкан.
Т.Султанбеков жана автоунаанын айдоочусу жабыр тартышпаганын билдиришип, соттук-медициналык экспертизадан өтүүдөн баш тартышкан. Аламүдүн РИИБдин ыкчам тергөө тобу окуя болгон жерге кароо жүргүзүп, тиешелүү иштер жүргүзүлгөн. Кийин автоунаага соттук-трассологиялык экспертиза дайындалган.
Бул факт ИИМдин жана Чүй ОИИББдин жетекчилиги тарабынан көзөмөлгө алынып, ыкчам тергөө иш-амалдары жүргүзүлүүдө», — деп айтылат маалыматта.
Бишкек шаарынын Октябрь районунун прокуратурасы тарабынан айрым милиция кызматкерлери Кыргыз Республикасынын ИИМ Ички иликтөө кызматынын …
Бишкекте милиция кызматкерлери тарабынан бейбаштыкка шектүү жаран кармалды. Бул тууралуу Октябрь райондук милициясынан билдиришти. Маалыматка …
УКМК Мамлекеттик салык кызматынын жана ИИМдин кармалган кызматкерлери боюнча маалымат таратты. Анда айтылгандай, УКМК тарабынан …
Бишкектеги мектептердин биринде 8 жаштагы окуучуну сабаган деп 34 жаштагы киши кармалды. Бул тууралуу Ленин …
Буга чейин милиция тарабынан изделип жаткан Базар-Коргон районунун тургуну үч баласы менен Бишкектен табылды. Бул …
Ошто окуучу кызды директору сабады деп милицияга арыз түштү. Ош ШИИБден билдиришкендей, Ош шаарынын тургуну …
