Министрлер кабинети бир нече депутат демилгелеген «Анык эмес (жалган) маалыматтан коргоо жөнүндө» мыйзамга өзгөртүү киргизүү тууралуу мыйзам долбооруна терс корутунду берди. Бул тууралуу 24.kg жазды.
“Адилет” укуктук клиникасынын жетекчиси Чолпон Жакупова Жогорку Кеңештин төрагасы Нурланбек Шакиевге кат жолдоп, парламентти Министрлер кабинетинин корутундусуна көңүл бурбоого чакырган. Анын айтымында, сунушталып жаткан өзгөртүүлөр өкмөттүн расмий корутундусун талап кылбайт.
Буга чейин эл өкүлдөрү Жанар Акаев, Адахан Мадумаров, Элмурза Сатыбалдиев, Дастан Бекешев, Сеид Атамбаев жана Чынгыз Айдарбеков «Анык эмес (жалган) маалыматтан коргоо жөнүндөгү» мыйзамга өзгөртүү киргизүүнү демилгелеген.
Мыйзам долбоорунда фейктер тууралуу мыйзам «Административдик иштин негиздери жана административдик жол-жоболор жөнүндөгү» мыйзамга жана Административдик-процесстик кодексинин жоболоруна каршы келери жазылган. Авторлордун айтымында, ансыз деле мамлекеттик органдардын чечимдерин кароо жана даттануу жол-жоболору такталган.
Демилгечилер интернет тармагында ага карата анык эмес (жалган) маалымат таркатылган арыз ээси интернет тармагындагы сайттын ээсине же сайттын баракчасынын ээсине сайттан же сайт баракчасынан анык эмес (жалган) маалыматты алып салуу жана мурда жайгаштырылган анык эмес (жалган) маалыматты жокко чыгаруучу маалыматты жайгаштыруу жөнүндө арыз менен кайрылууга укук берип, ошол эле учурда маалыматты алып салуу жөнүндө арыз маалыматтын анык эмес (жалган) экендигин негиздеген фактыларды камтууга тийиш деген норманы киргизүүнү сунуштап жатышат.
Кыргызстанда “Массалык маалымат каражаттары жөнүндө” мыйзамы талкуу жаратып келет. Ага 6-чакырылыштын депутаты Гүлшат Асылбаева өзгөртүү киргизүү демилгеси менен чыгып, коомчулуктун сынына кабылган. Аны 2020-жылы Жогорку Кеңеш кабыл алып, бирок ошол кездеги президент Сооронбай Жээнбеков кайра карап чыгуу үчүн артка кайтарган.
Ал мыйзамга ылайык, Маданият, маалымат, спорт жана жаштар саясаты министрлигине соттун чечимисиз жалган маалымат тараткан сайтка бөгөт коюу укугун берет.
Көптөгөн талаш-тартыштан кийин мыйзам долбоору 2021-жылы парламентте колдоо таап, ага президент Жапаров кол койгон.
Аталган мыйзамга таянып, Ленин райондук соту “Азаттык” медиасын жабуу чечимин чыгарды.
АЙЫЛ ЧАРБА МИНИСТРИ АЛМАШТЫ Айыл чарба министрлиги Суу ресурстары, айыл чарба жана кайра иштетүү өнөр …
Президент Садыр Жапаров «Кыргыз Республикасынын Министрлер Кабинетинин түзүмүнө өзгөртүүлөрдү киргизүү жөнүндө» Жарлыкка кол койду. Бул …
Жогорку Кеӊештин Социалдык саясат комитети “Кыргыз Республикасынын 2024-жылга республикалык бюджети жана 2025-2026-жылдарга пландаштыруу мезгили жөнүндө” …
Жогорку Кеңештин «Бүтүн Кыргызстан» фракциясынын лидери, депутат Адахан Мадумаровду жоопко тартуу маселесине байланыштуу түзүлгөн депутаттык …
Кыргызстан медиа аракет Платформасынын Кыргыз Республикасынын Жогорку Кеңешинин депутаттарына анык эмес маалыматтан коргоо жөнундөгү мыйзам …
Бүгүн, Жогорку Кеңештин 19-январдагы жалпы жыйынында Шайлообек Атазов Энергетика министринен башка чакырылган министрлердин парламенттин жыйынына …
