Жогорку Кеңештин депутаты Асылбек Жээнбеков агасы президенттикке шайланган соң депутаттык мандаттан баш тартам деген убадасын аткарбай жатат. Бул тууралуу Бишкектеги “Медиа форум” ишканасынын алдында Аксы окуясынын эскерүүгө арналган иш-чарада Социал-демократиялык партиянын мүчөсү, мурдагы депутат Мээрбек Мискенбаев билдирди. Анын айтымында, президенттик шайлоо алдында Асылбек Жээнбеков агасы Сооронбай Жээнбеков өлкө башчылыкка шайланса депутаттыктан баш тартууга партиялаштары алдында убада берген.
“Жээнбеков «агам президенттикке өтсө, депутат болууга моралдык укугум жок, эл менен болушум керек» деп сөз берген. Эми ошол убадасын аткарышын күтүп жатабыз. Эгер депутат бойдон кала берсе үй-бүлөлүк башкаруу болуп жатат деген сөз президентке, социал-демократчыларга жана үй-бүлөлүк башкарууга каршы чыгып ыңкылап жасагандарга тиет”-деп айтты Мискенбаев.
Мурдагы депутат «учурдагы президент өз туугандарын бийликке алып келбеген мурдагы президент Алмазбек Атамбаевден үлгү алышы керектигин» кошумчалады.
Бүгүн Бишкектеги “Медиа форум” ишканасынын алдында Аксы окуясын эскерүүгө арналган иш-чара өтүүдө. Ага Апрель ыңкылабынын катышуучулары, “Айкөл Ала-Тоо” уюмунун өкүлдөрү, КСДПнын активисттери катышты.
Асылбек Жээнбеков президент Сооронбай Жээнбековдун бир тууган иниси. Ал парламенттин Социал-демократиялык фракциясынын депутаты.
Жогорку Кеңештин депутаты Акылбек Түмөнбаев кечээ парламентте Сооронбай Жээнбековду экс-президент макамынан ажыратуу демилгесин көтөрүп, депутаттык …
Кемпир-Абад иши боюнча кармалган саясатчылар Азимбек Бекназаров, Равшан Жээнбеков, Кубанычбек Кадыров жана Жеңиш Молдокматовор жаткан …
Түркияда болгон табигат кырсыгынан кийин, «Кыргызстандагы жаңы салынып жаткан турак жайлар талапка жооп береби?»,-деген маселе …
Жогорку Кеңештин депутаты Исхак Масалиев Кемпир-Абад иши боюнча камалгандарды бошотууга чакырды. Бул тууралуу ал 11-январдагы …
Кемпир-Абад маселеси боюнча кармалгандардын жакындары, апалары бүгүн 22-декабрда Бишкекте акцияга чыгып, аларды коё берүүнү талап …
9-10-11-декабрь күндөрү “GOVORI.TV” мультимедиалык маалыматтык агенттиги медиа айдыңындагы “Кыйын” телевизиондук ток-шоусунун алкагында сегизинчи окутуу иш-чарасын …
