Бүгүн, 17-мартта Бишкек шаарынын Биринчи май райондук сотунда 3-марттан бери эфирге чыкпай, кеңсесине мөөр басылып турган Next TV телеканалынын иши боюнча соттук отурум 22-мартка жылдырылды. Бул тууралуу саясатчы Равшан Жээнбеков билдирди.
Анын айтымында, саат 16:00гө белгиленген соттук процесс бир жарым сааттан ашык убакыт боюу башталбай туруп, кийинкиге жылдырылган.
«Соттук отурумга судья менен тергөөчү келген жок. Дээрлик бир жарым сааттан кийин Next TV каналынын ишин карабай, 22-мартка жылдырып коюшту. Бул соттордун жопкерчиликсиздиги жана соттордун саясий буйрук аткарып жатканынын далили»,-деди Равшан Жээнбеков.
Белгилей кетсек, 3-мартта УКМК Next TV телеканалына Жазык кодексинин 330-беренеси (расалык, этностук, улуттук, диний, аймактар аралык кастыкты козутуу) менен кылмыш иши козгоп, телеканалдын директору Таалай Дүйшенбиев менен эфирдик инженери Таалай Бейшембаевди кармап кетишкен.
Инженер Таалай Бейшембаев ошол эле күнү коё берилип, ал эми директору эки айга камакка алынган. УКМК Next TV социалдык тармактардагы баракчаларында Казакстандын Коопсуздук кызматынын экс-башчысынын сөзүнө таянып, «Украинадагы кырдаалда Кыргызстан Орусияга аскердик жардам көрсөтөт» деген жалган кабар тараткан деп айыптап жатат.
Бүгүн, 14-февралда Бишкектин Биринчи Май райондук сотунда Кемпир-Абад иши боюнча соттук жараянда айыпталуучулар соттун аракетине …
Бүгүн, 6-февралда Бишкектин Биринчи май райондук сотунда «Бүтүн Кыргызстан» фракциясынын лидери, депутат Адахан Мадумаровдун иши …
Бүгүн, 6-февралда Бишкектин Биринчи май райондук сотунда 24.kg маалымат агенттигинин тергөөчүнүн аракетине каршы арызы каралды. …
Жарандык активист, укук коргоочу Өндүрүш Токтонасыровдун Бишкектин Биринчи май райондук сотунда 18-декабрга белгилеген соту болбой …
Бүгүн, 11-майда Бишкектин Биринчи май райондук сотунда 2010-жылдагы июнь окуясы боюнча соттук отурум уланды. Төрагалык …
Бүгүн, 16-мартта Бишкектин Биринчи Май райондук сотунда 2010-жылдагы июнь окуясы боюнча соттук отурум уланды. Отурумга …
