Орусиянын, Кыргызстандын, Казакстандын жана Өзбекстандын Ички иштер министрликтеринин (ИИМ) бирдиктүү операциясынын натыйжасында синтетикалык маңзат өндүргөн жана саткан топ кармалды.
Бул тууралуу 21-июнда Орусиянын ички иштер министри Владимир Колокольцев кабарлаганын РИА Новости жазды. Анын айтымында, атайын операцияга Орусиянын Почта коопсуздук кызматы да катышкан.
«Операциянын жүрүшүндө мунай чыгарган сегиз көмүскө лаборатория жок кылынды. Бул лабораториялардан маңзат чыгарууда колдонула турган 600 литр суюк химикат, 30 килограмм же 150 000 доза маңзат алынды. Маңзаттын жалпы наркы 280 миллион рублди түзөт. Маңзат тобунун уюштуруучулары жана катышуучулары кармалды. Иликтөө жүрүп жатат», — деди ал.
Колокольцевдин билдиришинче, Омск облусунун тургуну үйүндө Альфа-PVP синтетикалык маңзаты үчүн суюктук чыгарган лаборатория ачкан. Бул суюктукту ал тиричилик химиясы же автомобиль майы катары почта аркылуу Борбор Азия өлкөлөрүнө жиберип турган. Химикатты алгандар көмүскө лабораторияларда маңзат даярдашкан.
Жарым жылга созулган биргелешкен операциянын жүрүшүндө Орусия, Кыргызстан, Казакстан жана Өзбекстандан 20дан ашуун киши кармалган.
25-мартта Москванын Басман райондук соту «Крокус Сити Холлдогу» террордук чабуулга байланыштуу дагы үч кишини камакка …
Орусиянын президенти Владимир Путин 24-мартты аза күтүү күнү деп жарыялады. Путин өз кайрылуусунда каза болгондордун жакындарына көңүл …
Тышкы иштер министрлиги Кыргызстандын Орусиядагы элчилиги менен бирге Москванын четиндеги Красногорск шаарындагы «Крокус Сити Холл» …
Кыргызстандын Тышкы иштер министрлиги «Крокус сити холлдогу» террордук актка байланыштуу Москвадагы кыргызстандыктарды эл көп чогулган …
Москванын четиндеги Красногорск шаарындагы «Крокус Сити Холл» концерттик залында болгон кандуу кол салууда жабыркагандардын саны …
Президенти Садыр Жапаров бүгүн, 25-декабрда, Санкт-Петербург шаарында Жогорку Евразия экономикалык кеңештин (ЖЕЭК) отурумуна катышууда. Жыйын …
