Бишкектин бетинде жайгашкан панораманын аймагында аялдын жансыз денеси табылды. Ал бийиктиктен секирген болушу мүмкүн. Бул тууралуу Чүй ОИИББдин басма сөз кызматы билдирди.
Маалыматка ылайык, билдирүү милицияга 20-июлда таңкы саат жетилер чамасында келип түшкөн.
Азырынча аялдын өздүгү тактала элек. Экспертиза дайындалды.
Бул факт Кылмыштардын жана жоруктардын бирдиктүү реестрине катталды. Учурда тергөө иштери жүрүп жатат.