Тергөө абагында шектүүнү кыйноого алганы үчүн Наманган облустук ички иштер башкармалыгынын кылмыш иликтөө бөлүмүнүн башчысы Умид Рауповдун эркиндиги үч жылга чектелди. Бул тууралуу жергиликтүү басылмалар кабарлашты.
Маалыматка караганда, Наманган шаардык соту Рауповго карата өкүмдү 8-майда эле чыгарган. Бирок андан бери өкүмдү Жогорку соттун да, жергиликтүү соттун да басма сөз кызматтары расмий жарыялаган эмес.
Тергөөнүн материалдарына ылайык, 2022-жылы октябрда таасири күчтүү «Тропикамид» жана «Регапен» дарыларын алып жүргөн тургун кармалып, Наманган шаарындагы тергөө абагына киргизилген. Анын ишин Мамлекеттик коопсуздук комитети тергеп жатканына карабастан, Умид Раупов шектүүнүн камерасына кирип, аны «кыйноого алып, психологиялык жана физикалык басым көрсөткөн».
Соттук-медициналык экспертиза шектүүнүн денесинде түрдүү жаракаттар болгонун ырастаган. Бирок «алар саламаттыгына олуттуу зыян келтирбегендиктен», жеңил жаракаттар деп табылган.
Быйыл марттын ортосунда Рауповго «Ыйгарым укуктарын ашкере пайдалануу» жана «Кыйноо» беренелери боюнча айып тагылган.
Сотто ал күнөөсүн мойнуна алып, эркиндиги үч жылга чектелген. Мындан тышкары анын үч жыл ички иштер түзүмдөрүндө иштөөсүнө тыюу салынган.
Адам өлтүрүүгө шектүү катары издөөдө жүргөн жаран Ош аэропортунан кармалды. Бул тууралуу Ош шаардык ички …
Бишкекте белгисиз киши дүкөндүн сатуучусуна кол салып, аёосуз сабап салган. Окуянын видеосу социалдык тармактарда тарады. …
Жалал-Абад шаарында чет элдик жарандан акча талап кылган кылмыш чөйрөсүнүн өкүлү кармалды. Бул тууралуу УКМКнын …
Бишкекте милиция кызматкерлери тарабынан бейбаштыкка шектүү жаран кармалды. Бул тууралуу Октябрь райондук милициясынан билдиришти. Маалыматка …
Өзбекстанда 45 жаштагы киши Термез-Ташкент каттамындагы автобуста жанында уктап калган аялдын төшүн кармалаганы үчүн 15 …
ИИМдин Кылмыш иликтөө башкы башкармалыгынын кызматкерлери тарабынан мындан 9 жыл мурун жасалган өзгөчө оор кылмыштын бети …
