Медицина кызматкерине кол салган аял кармалганын Чүй облусунун милициясы билдирди.
Дарыгерге кол салган аял спирт ичимдигинен ууланып ооруканага түшкөн. Окуя 19-августта түнкү саат төрт чамасында болгон.
Милицияга Токмок шаарынын жашоочусу 1997-жылы туулган З.И. кайрылган. Ал Чүй райондук ооруканасынын жандандыруу бөлүмүндө И.Ж. аттуу жаран себепсиз сабаганын билдирген.
Бул факт ээнбаштык беренеси менен катталып, кылмыш иши козголду.
Тергөөнүн жүрүшүндө 2003-жылы туулган И.Ж. спирт ичимдигинен ууланып ооруканага
түшкөнү аныкталды. Саат 4:00 чамасында өзүнө келип, ооруканадан кетүүнү чечкен. Бирок
ага туугандары келмейинче кетүүгө болбой турганын айтышкан. И.Ж. мындай чектөөгө
агрессивдүү түрдө жооп кайтарып, реаниматолог З.Ины сабап, ооруканадан кетип калганы белгилүү болгон.
Соттук-медициналык экспертиза дайындалып, шектүү Чүй РИИБге алынып келинди.
КР Саламаттык сактоо министрлигинин далилдүү медицина боюнча адиси, Кыргыз Республикасынын медициналык профсоюзунун төрайымы Бермет Барыктабасова да дарыгерлерге көрсөтүлгөн зомбулук боюнча пост жазып, «бейтаптар же алардын туугандары мас абалында дарыгерлерге кол салып же кылмыш кылса мастыгы актанууга шылтоо эмес, тескерисинче оордотуучу жагдай болушу керектигин» жазган.
Ички иштер министрлиги (ИИМ) Жогорку Кеңештин мурдагы депутаты Дүйшөн Төрөкуловдун кармалышы боюнча комментарий берди. Маалыматта …
Социалдык тармактарга “75чилердин каты” боюнча сурак берип жаткандардын, анын ичинде Камчыбек Ташиевдин видеосунун тарап кетиши …
Акыркы убактарда соцтармактарда ар кандай чагымчыл билдирүүлөр орун алууда, ошондуктан эскертүү берип коюуну туура көрдүк, …
Акыркы коңгуроо күнүнө карата көзөмөл күчөтүлөт. Бул тууралуу Ички иштер министрлигинен билдиришти. Маалыматка ылайык, бүтүрүүчүлөрдөн …
УКМКнын мурдагы төрагасы Камчыбек Ташиев эч жакка чыкпоо тууралуу кол койдуруу менен бошотулганын 29-апрелде адвокат …
