“Маданият ишмерлеринин президент Садыр Жапаровго кайрылуусу” деп интернетте тарап жаткан каттын тексти түп нускасынан бурмаланган. Бул тууралуу 15-сентябрда “Азаттык” радиосуна каттын автору, Жазуучулар союзунун мүчөсү Сонунбүбү Кадырова билдирди.
Кадырова президентке “адамдарды чогултуп, ызы-чуу жана тополоң кылгысы келгендерге чара көрүү, аларды тартипке чакыруу” демилгеси менен кайрылганы чын экенин, эки барактан турган катынын биринчи барагындагы текст бурмаланганын, катка өзүнөн башка эч ким кол койбогонун айтты:
“Мен коллегаларыма телефон чалып, ушундай кайрылуу жасабайлыбы дегем. Кат 1,5 барак болгон. Маданият кызматкерлеринен макулдугун телефон аркылуу сурагам. Аларга катты окуп берген эмесмин. Катка алар кол койгон эмес. Бир гана өзүм кол койгом. Өзүм демилге көтөргөм. Президент Жапаровдун атына кат жазбайлыбы десем макул болушкан. “Телефон аркылуу макулдугу алынды” деп жазылып турат тиги жерде”.
Кадырова катта аты аталган бир топ адамды да, 100 миң киши тууралуу да жазбаганын билдирди:
“Ошол маалыматтарды мен жазган эмесмин. Биз кол койгон барак калып калган да биринчи бети өзгөрүлүп кеткен. Мен ал катты президенттин канцеляриясына таштагам. Ал президентке жеттиби же орто жолдон кызыкчылыгы бар башка адамдар аркылуу оңдолуп интернетке чыгып кеттиби, билбейм”.
Маданият ишмерлери кол койду деген кайрылуунун тексти интернетте тараган. Анда «Туйгуналы Абдраимов, Бакыт Жетигенов, Курсан Асанов, Жанар Акаев, Азамат Мусакеев, Исмаил Исаков, Акматбек Келдибеков, Алтынбек Сулайманов, Жылдызкан Жолдошева ж.б. жарандар баштаган адамдар 17-сентбярь күнү 100 миң киши алып чыгып, бийликти алмаштырабыз» деп жатканы үчүн аларга чара көрүү талабы жазылган.
Көп өтпөй кагазда аты аталган айрым адамдар кайрылууга кол койбогонун билдирип чыгышкан.
15-сентябрда депутаттар жана саясатчылар Бакытбек Жетигенов, Алтынбек Сулайманов, Акматбек Келдибеков, Исмаил Исаков, Туйгунаалы Абдраимов, Жанарбек Акаев жана Канатбек Исаев ИИМде суракта болушту. Алар маданият кызматкерлеринин кайрылуусу деген катка байланыштуу суроолорго жооп бергенин билдиришти.
Президент Садыр Жапаровго кат жазган кичинекей Жанарбек Жайлообаевдин тилеги орундалды. Бул тууралуу президенттин Нарын облусундагы …
Министрлер кабинетинин төрагасы Акылбек Жапаров Кабар агенттигине маек берип, Кумтөр боюнча маалымат айтып жатып, депутат …
“Кемпир-Абадды коргоо” комитетине кирген адамдардын үйүн милиция тинтүүгө алып жатат. Бул тууралуу активист Гульнара Джурабаева …
Бүгүн, 28-ноябрда Кыргызстанда Жогорку Кеңештин депутаттарын шайлоо өтүп жатат. Бул жолку шайлоого мамлекет башчы Садыр …
Бугүн, 5-июнда Кыргызстандагы саясатчылар Өмүрбек Текебаев, Темир Сариев, Рыскелди Момбеков, Жанар Акаевдер парламенттик шайлоого катышуу …
Мен Мадумаровго караганда “акылсызыраак крикунмун”. Бул тууралуу Кыргыз өлкөсүнүн Малайзиядагы элчиси болуп дайындалган саясатчы Азимбек …
