Бүгүн, 24-сентябрда Кыргыз Республикасынын Жогорку Кеңешинин төрагасы Дастанбек Жумабеков Нур-Султан шаарында өтүп жаткан Евразия өлкөлөрүнүн парламент төрагаларынын IV отурумунун алкагында Казакстан Республикасынын парламентинин Сенатынын төрайымы Дарига Назарбаева менен жолугушту.
Жолугушууда төрага Дастанбек Жумабеков боордош эки өлкөнүн достук мамилелерин өнүктүрүүгө багытталган актуалдуу маселелер боюнча пикир алмашууга түзүлгөн мүмкүнчүлүк үчүн кубанганын белгиледи. Ошондой эле Дарига Назарбаеваны Казакстан парламентинин Сенатынын төрайымы болуп кайрадан шайланышы менен куттуктап, Евразия өлкөлөрүнүн парламент төрагаларынын IV отуруму жогорку деңгээлде өткөрүлүп жатканына токтолду.
“Отурумга Европа, Азия өлкөлөрүнүн парламенттеринен жана эл аралык уюмдардан көптөгөн сандагы делегациялардын катышып жаткандыгы иш-чаранын өтө маанилүү экенин далилдеп турат”, – деди төрага Дастанбек Жумабеков.
Муну менен катар кыргыз-казак алакалары тууралуу сөз кылган Жогорку Кеңештин төрагасы тили, маданияты, салт-санаа баалуулуктары окшош эки элдин тарыхый байланышы терең экенин баса белгиледи. Андан тышкары, эки мамлекеттин саясий-экономикалык кызматташтыгы жигердүү уланып жатканын жана өз ара ишенимге негизделген өнөктөштүктү дагы да өнүктүрүү керектигин кошумчалады.
Өз кезегинде Казакстан Республикасынын парламентинин Сенатынын төрайымы Дарига Назарбаева боордош эки элдин бир туугандык, достук мамилеси түбөлүктүү экенин билдирип, бардык багыттагы кызматташтыкты арттырууга керектүү болгон парламенттер аралык байланышты кеңейтүү зарылчылыгына токтолду.
Эскерте кетсек, жолугушууга Жогорку Кеңештин депутаттары Махабат Мавлянова, Урмат Самаев, Алмаз Жутанов жана Нодирбек Каримов катышты.
“Элдик” депутаттык тобунун лидери Акылбек Түмөнбаев баштаган депутаттар Аманкан Кенжебаев жана Жалолидин Нурбаев Кыргызстандагы сүт …
Кыргыз Республикасынын Президенти Садыр Жапаров бүгүн, 7-мартта, өлкөнүн массалык маалымат каражаттарынын жетекчилери менен жолугушту. Бул …
Президент Садыр Жапаров бүгүн, 21-февралда, Россия Федерациясына болгон иш сапарынын алкагында Татарстандын Казань шаарында Россиянын …
Президент Садыр Жапаров 19-февралда Ысык-Көл облусунун Балыкчы шаарында жергиликтүү тургундар менен жолугушуу өткөрдү. Жолугушууга Балыкчы …
Мэр Бакытбек Жетигеновдун Ош шаарынын «Сулайман-Тоо» муниципалдык аймактык башкармалыгынын тургундары менен жолугуп, көйгөйлөрүн укту. Бул тууралуу …
2024-жылдын 18-январында КР министрлер кабинетинин төрагасы Акылбек Жапаровдун Москва шаарына (Россия Федерациясы) жумушчу сапары болуп …
