“Манас Ордодо” бир күндөн бери Манас айтылууда.
Кечээ, 4-декабрь “Манас күнүнө” карата Талас облусундагы “Манас Ордо” комплексинде иш-чара башталган.
Азем Кыргызстандын бардык аймагынан келген жаш жана белгилүү манасчылардын катышуусу менен өтүп жатат. Манас айтуу 4-декабрь күнү саат 11:00дө башталып, 5-декабрь күнү саат 11:00 токтотулат.
Майрамдык салтанатты өткөрүүгө республикалык бюджеттен акча каражаты сарпталбайт. Саамалык демөөрчүлөрдүн жана меценаттардын колдоосу менен өткөрүлөт.
Ачылыш аземи атайын театрлаштырылган программа менен коштолуп, “Маданият. Тарых. Тил” каналы аркылуу түз эфирде көрсөтүлдү.