Кыргызстандык Айпери Медет кызы кыз-келиндер күрөшү боюнча Олимпиаданын жарым финалында атаандашынан жеңилип калды.
Медет кызы америкалык спортчу Аделина Мария Грей менен таймашып, 2:3 эсебинде артта калды. Айпери Медет кызы эми Олимпиаданын коло байгеси үчүн 2-август күнү күрөшөт.
22 жаштагы Айпери Медет кызы жаштар арасындагы дүйнө чемпиону жана эки коло байгенин ээси. 2020-жылы Азия чемпиону аталган.
Токиодо Олимпиада оюндары 23-июлда башталган. Ага кыргызстандык 16 спортчу катышууда.