Токмокто практикант кызга ыдык көрсөттү деп шектелген ИИБнын тергөөчүсү кызматтан кетти. Бул тууралуу 24.kg сайтына Чүй ОИИББдан кабарлашкан.
Маалыматка караганда, сотко чейинки өндүрүштүн материалы прокуратурада турат.
Эске салсак, буга чейин 17 жаштагы кыз прокуратурага арыз менен кайрылган. Анда тергөөчү өз иш бөлмөсүнө чакырып, эшикти ичинен жаап алып ага ыдык көрсөткөнү айтылат.
Факты Кылмыштардын жана жоруктардын бирдиктүү реестрине катталган.