Жасалма ветеринардык дары-дармектерди жашыруун өндүрүү жана сатуу менен алектенген адамдардын тобу аныкталды. Бул тууралуу УКМКнын басма сөз кызматы кабарлады.
Маалыматка ылайык, республиканын аймагында бодо малды, жандыктарды жана жылкыларды дегельминтизациялоо үчүн (паразиттерге каршы дарылоо) каттоодон өтпөгөн жана тийиштүү түрдө катталбаган ветеринардык дары-дармектерди узак убакыт бою мыйзамсыз даярдоо жана сатуу менен алектенген адамдардын тобу аныкталды. Жогоруда аталган өндүрүш техникалык стандарттарды жана шарттарды сактабастан, боёкторду жана жыпар жыттуу заттарды кошуу жолу менен жасалып, тийиштүү сертификаты жана башка уруксаат кагаздары жок ветеринардык дарыкана аркылуу сатылган.
«Жүргүзүлгөн изилдөөлөргө ылайык, бул препараттар ветеринардык-санитардык нормаларга, микробиологиялык жана химия-токсикологиялык коопсуздукка жооп бербейт жана сапатсыз деп табылды. Бул дары-дармектерди пайдалануу малдын массалык чыгашага учурашына алып келип, республикадагы эпизоотиялык абалга терс таасирин тийгизет. Козголгон кылмыш ишинин алкагында зарыл болгон ыкчам-иликтөө иш-чаралары жүргүзүлүп, жыйынтыгында ветеринардык препараттарды чыгаруучу цехтер, кампалар жана ветеринардык дарыканалар аныкталып, алардан 300 кутудан ашык сапатсыз ветеринардык дары-дармектер, ошондой эле аларды даярдоо учун колдонулган чийки заттар жана материалдар алынды»,-деп жазылат маалыматта.
Учурда тергөө тарабынан дары-дармектердин базар баасы, ошондой эле бул адамдардын мыйзамсыз иш-аракеттеринин натыйжасында мамлекетке келтирилген зыяндын өлчөмү жана бул ишке тиешеси бар адамдар аныкталууда.
Бишкек шаарындагы 996,18 чарчы метр аянттагы, суммасы 127 млн сомду түзгөн 12 даана кыймылсыз мүлк …
Чолпон-Ата шаарындагы «Жетиген» базарынын — «Курорторг Жетиген» ААКсынын акционери жана ошол эле учурда директору болуп …
Мамлекеттик салык кызматынын беши инспектору системалуу коррупция боюнча кармалды. Бул тууралуу УКМКнын басма сөз кызматы. …
Чүй облусунун аймагында баңгизаттарды алып-сатып жүргөн жарандардын үйлөрүндө тинтүү иштери жүргүзүлдү. Бул тууралуу Улуттук коопсуздук …
Бийликти күч менен басып алууга аракет кылган деп издөөдө жүргөн Ташов кармалды. Бул тууралуу УКМКнын …
Жогорку Кеңештин мурдагы депутаты Камчыбек Жолдошбаев келтирилген зыяндын ордун толук төлөп берди. Бул тууралуу УКМКнын …
