Саясатчы Равшан Жээнбеков 8-апрелде Улуттук коопсуздук комитетине суракка киргенин билдирди.
Ал «Фейсбуктагы» баракчасына учурда суракта отурганын, өзүнө жакындары аркылуу басым-кысым болуп жатканын жазды.
«Бул — ойдон чыгарылган саясий иш», — деп билдирүү калтырган Равшан Жээнбеков кайсы ишке байланыштуу суракка чакырылганын кабарлаган жок.
Бүгүн эртең менен өзүнүн жана карындашынын үйүнө атайын кызматтын өкүлдөрү келип, тинтүү жүргүзгөнүн маалымдады.