Ысык-Көл облусунун Жети-Өгүз районунда 12 жашар бала боксёрдук груша менен машыгып жатып, жибине асылып каза болду. Бул тууралуу Ысык-Көл ОИИБинин басма сөз кызматынан билдиришти.
Маалыматка ылайык, окуя 20-октябрда Кабак айылында болгон. Анда 12 жаштагы бала сарайда колго жасалган грушаны ургулап ойноп жатып, кокусунан жипке асылып калган.
Баланы биринчи апасы көрүп калган. Текшерүү иштеринде бул кокустан болгон окуя экенин, ал эми баланын киши колдуу болгонун көрсөткөн белгилер байкалган эместиги аныкталган.