Бир сутка ичинде өлкө боюнча 2 медициналык кызматкер коронавирус жуктуруп алганы аныкталды. Бул тууралуу Республикалык ыкчам штабдан билдиришти.
Маалыматка ылайык, Ысык-Көл облусунда – 1, Жалал-Абад облусунда – 1 медкызматкер илдет жуктурду. Ал эми бир суткада ооруканалардан 7 медкызматкер жана үй карантининен 9 медкызматкер айыгып чыгарылган.
Жалпысынан республика боюнча COVID-19 диагнозу менен медициналык кызматкерлер арасында 3 миң 243 учур катталды, алардын ичинен 2 миң 992 медкызматкер айыгып чыкты.