Бишкек. 24.03.2019. Govori.TV
Кыргызстандын тунгуч президенти Аскар Акаев 2005-жылы 24-мартта «Ала-Тоо» аянтына жалаң кылмышкерлер чогулган деп эсептейт. Ал мындай пикирин ББС радиосунун суроолоруна жооп берип жатып билдирди. Акаевдин айтымында, ошол кездеги оппозиция криминалдарды колдонуп бийликти кулаткан.
— Ошол күнү эртең менен бөлмөмдөн карасам, чогулган 15 миңдей кишинин ичинен 10 миңден ашууну негизинен криминалдар экен, көпчүлүгү спирттик ичимдик ичип алыптыр. Ошондо көп эле жардамчыларым мага келип, «Аскар Акаевич, көрүп турасыз, 10 миңден ашык криминал экен. Криминалга каршы күч колдонбосо болбойт» деп айтышты. Көп өтпөй эле «Акаев күч колдонбосо, кечинде өзүбүз кан төгүп, бийликке шылтап коёбуз» деген сөздөрдү уктук. Мындай сценарий кийин Киевде, башка мамлекеттерде да колдонулду.
Акаев кан төгүүнү болтурбоо үчүн өлкөдөн чыгып кеткенин жана ал жеке өзүнүн чечими болгонун айтып берген. Ошондой эле Аксы окуясына токтолуп, «ок атууну өздөрү уюштурган» деп оппозицияга шылтады. Ал окуялардагы жоопкер катары ошол кездеги өкмөт башчы Курманбек Бакиевди айыптады.
Кыргызстандын саясий тарыхында “Жоогазын ыңкылабы” деген ат менен белгилүү март окуясына быйыл 14 жыл толду. 2005-жылы 24-мартта нааразычылыгын билдирип чыккан миңдеген адамдардын күчү менен бийлик алмашып, 15 жыл бою мамлекет башында турган президент Аскар Акаевдин режими кулатылган.
Толкундоолор марттын башында Жалал-Абадда башталып, өлкөнүн булуң-бурчуна жайылган. Акаев мамлекеттен качып, Орусиядан башпаанек алган. Бийликке оппозициялык кыймылдын башчысы Курманбек Бакиев келип, 2010-жылдын 7-апрелиндеги ыңкылаптан кийин өлкөдөн чыгып кеткен.
Булак: «Азаттык»
9-10-11-декабрь күндөрү “GOVORI.TV” мультимедиалык маалыматтык агенттиги медиа айдыңындагы “Кыйын” телевизиондук ток-шоусунун алкагында сегизинчи окутуу иш-чарасын …
Govori.TV медиа рынокто 5 жыл! Интернет телеканал бейтараптуулукту карманганы үчүн бааланат. 5 жыл аралыгында Govori.TV …
Govori.TV “Кыйын” телевизиондук ток-шоусунун алкагында тренинг өткөрдү. Окутуу семинарына Кыргызстандын 7 дубанынан келген 17 айым …
9-10-11-декабрь күндөрү “GOVORI.TV” мультимедиялык маалыматтык агенттиги медиа айдыңындагы “Кыйын” телевизиондук ток-шоусунун алкагында тренинг өткөрүп жатат. …
7-8-9-октябрь күндөрү “GOVORI.TV” мультимедиялык маалыматтык агенттиги медиа айдыңындагы “Кыйын” телевизиондук ток-шоусунун алкагында тренинг өткөрүп жатат. …
“GOVORI.TV”мультимедиялык маалыматтык агенттиги медиа айдыңындагы “Кыйын” аталышындагы телевизиондук ток-шоусунун алкагында тренинг өткөрүп жатат. Ага Ош, …
