Кыргыз Республикасынын Ички иштер министрлигинин Россия Федерациясындагы өкүлчүлүгү менен Россиянын Ички иштер министрлигинин аймактык бөлүмдөрүнүн биргелешкен ишинин натыйжасында ири алдамчылык аракеттери үчүн Кыргызстанда издөөдө жүргөн жарандын турган жери аныкталды. Бул тууралуу ИИМдин басма сөз кызматы кабарлайт.
Маалыматка ылайык, 29-октябрда Москва шаарында издөөдө жүргөн, Жалал-Абад облусунун 1982-жылы туулган Э.О аттуу жаран кармалды.
Алынган маалыматка караганда, кармалган жаран уюшкан кылмыштуу топтун активдүү мүчөсү катары ИИМдин ыкчам каттоосунда турат. Ал 2010-жылдан 2013-жылга чейин 14 алдамчылык фактысын жасагандыгы үчүн 2016-жылдан бери мамлекеттер аралык издөөдө жүргөн. Жабыркаган ишкерлерге келтирилген материалдык чыгым 33 миң 500 АКШ долларын түзөт.
Алдын ала маалыматтарга караганда, аталган жаран узак убакыт бою жасалма документтерди жасоо жолу менен өзүн соода жайларынын ээси катары көрсөтүп, жарандарды адаштырып, башка бирөөнүн мүлкүн мыйзамсыз түрдө саткан.
Э.О. 2015-жылдан бери Ош облусунун ички иштер башкармалыгы тарабынан издөөдө жүргөн, 2016-жылдын сентябрь айында мамлекеттер аралык издөөгө алынган.
Маалым болгондой, издөөдө жүргөн жаран Москва шаарында жүргөндө жакын тууганынын паспортун колдонуп, 5 жыл изин жашырган.
Учурда издөөнүн демилгечисине кабар берилип, кармалган адам убактылуу кармоочу жайга киргизилди. 1993-жылкы Минск конвенциясына ылайык экстрадициялоо маселеси чечилүүдө.
ИИМдин Кылмыш иликтөө башкы башкармалыгынын кызматкерлери тарабынан мындан 9 жыл мурун жасалган өзгөчө оор кылмыштын бети …
Ички иштер министрлиги депутат Айгүл Айдарованын министр Улан Ниязбековдун дарегине айткан сындары тууралуу комментарий берип, …
Ички иштер министрлиги ала качуу кылмыш экенин эскертти. Жашы жете элек өспүрүмдөрдү мажбурлоо менен никеге …
Кочкор-Атадагы окуяга байланыштуу кызматтык иликтөө жүрүп, жыйынтыгында министрликтин буйругу чыккан. Анын негизинде Жалал-Абад облустук ички …
Эл аралык издөөдө жүргөн Р.Т. аттуу жаран үстүбүздөгү жылдын 13-мартында милиция кызматкерлери тарабынан кармалды. Бул …
Ички иштер министрлигинин ыкчам кызматкери пара алып жаткан жеринен кармалды. Бул тууралуу Башкы прокуратурадан билдиришти. …
