Бишкек. 18.03.2019. Govori.TV
Кечээ 17-мартта экс-президент Алмазбек Атамбаев Аксы окуясын эскерип, «Форумдун» алдында өткөргөн митингинде «Мен кыргыз армиясын күчтөнттүм, мен уулумду да армияга кызмат өтөттүрдүм»,- деп айткан.
Мындан улам коомчулукта Атамбаевдин уулу аскердик кызматын кайсы жакта өтөгөнү кызыгуу жаратты. Көрсө, Атамбаевдин уулу Кулматовдун баласы экөө УКМКда кызмат өтөшкөнү белгилүү болду.
Бул тууралуу маалыматты УКМКнын басма-сөз кызматынын жетекчиси Рахат Сулайманов «Govori.TV» агенттигине тастыктады. А бирок, кайсы жылдары кызмат өтөгөнү тууралуу маалымат эсинде жок экенин айтып, интернеттен карап алууну сунуштады.