9-сентябрь күнү Чыңгыз Айтматов проспектисинде автобус менен кагышып, каза болгон төрт жигиттин жанындагы кыз да көз жумду. Бул тууралуу Саламаттык сактоо министрлигинен кабарлашты.
Маалыматка ылайык, 17 жаштагы кыз оор абалда Бишкек травматология жана ортопедия илим изилдөө борборунун жандандыруу бөлүмүнө түшүп, өзүнө келбей жатып бүгүн үзүлгөнү айтылат.
Эске салсак, Чыңгыз Айтматов проспектисинде Skoda Octavia менен №8 автобус кагышып, жеңил унаадагы төрт бала кырсык болгон жерден каза тапкан.