Баткен облусунун Кадамжай районунда милиция кызматкерлери кара куурайларды өрттөп жок кылышууда. Бул тууралуу облустук милициядан кабарлашты.
Маалыматка ылайык, Кадамжай РИИБнин милиция кызматкерлери Кыргыз-Кыштак, Ак-Турпак айыл аймактарындагы айылдарды кыдырып жапайы өскөн кара куурайларды өрттөшүп жок кылган.
«Жалпысынан бул аймакта болжол менен 4500 килограмм жапайы өскөн кара куурай жок кылынды»,-деп айтылат маалыматта.
Жергиликтүү айыл аймактардагы өкүлдөр менен иштөө тобу түзүлүп, ар бир аймактар кылдат текшерилип жатат.