Кыргыз Республикасынын эл артисти, эл аралык конкурстардын жана сыйлыктардын лауреаты Арстанбек Ирсалиев каза болду.
Маалыматка ылайык, эл артисти Ирсалиев 5-октябрда узакка созулган оорудан улам АКШда каза болгон. Ал жакта көптөн бери дарыланып жүргөн.
Арстанбек Ирсалиев 1950-жылы 25-февралда Кара-Балта шаарында туулган. Ленинград мамлекеттик академиялык хореографиялык училищесин аяктаган. 1969-жылы Бүткүл союздук балет артисттеринин конкурсунда жеңүүчү болгон.