Бишкек шаарынын Мамлекеттик санитардык-эпидемиологиялык көзөмөлдөө борборунун маалыматы боюнча, өткөн жылдын 600 учуруна каршы бул жылдын 5 ай ичинде курч ичеги инфекциясынын 799 учуру катталган. Оорунун көрсөткүчү 29,9% га жогорулагандыгы байкалууда.
518ге каршы аныкталбаган этиологиядагы энтериттердин катталган 723 учуру 2020-жылдын ушул мезгилине карата (34,2%га өскөн). Курч дизентерия менен оору 40% га өстү. Көпчүлүк учурда эки жашка чейинки балдар оорушат, бул балдарды багууда ата-энелер тарабынан өздүк гигиенанын сакталбагандыгына, ошондой эле сапатсыз жана туура сакталбаган тамак-аш азыктарын пайдаланууга байланыштуу болот.
Оорунун өсүшү көбүнчө шаардын турак-жай конуштарында катталат, буга турак жайларды ичүүчү суу менен камсыздоонун жетишсиздиги, суу менен камсыз кылуунун үзгүлтүккө учурашы, айрыкча күндүз, крандагы сууну үй чарбаларын жана үй тиричилик жана сугат сугарууга пайдалангандыктан.
Ошондой эле, акыркы жумада Шаардык медициналык тез жардам балдар клиникалык ооруканасына курч ичеги-карын инфекциясы белгилери менен кайрылууларынын өсүшү байкалууда.
Шаардык саламаттык сактоо башкармалыгы Бишкек шаарындагы жугуштуу оорулардын учурдагы абалы боюнча шаардык саламаттык сактоо уюмдарынын жетекчилери менен кеңешме өткөрдү. Жолугушуунун жыйынтыгында үй-бүлөлүк медицина борборлорундагы ооз регидратация пунктарынын ишин күчөтүү, курч ичеги-карын инфекциясынын алдын алуу жана жеке гигиена боюнча түшүндүрүү иштерин күчөтүү тапшырылды.
Урматтуу шаардыктар! Сиздерди курч ичеги-карын инфекциясынын белгилери байкалса өз алдынча дарыланбастан, үй-бүлөлүк дарыгерге өз убагында кайрылууңуздарды өтүнөбүз. Ден соолугуңуздарга сак болгуңуздар!
Булак: Кабар.
Бишкектин бир бөлүгүндө таза суу убактылуу өчүрүлөт. Бул тууралуу мэриядан кабарлашты. Маадыматка ылайык, Жал кичи …
Бишкекте бүгүн, 16-апрелден тарта №23 жаңы автобустук каттам ишке кирет. Муниципалитеттен билдиришкендей, жаңы автобус линиясынын …
Бишкектин көчөлөрүндөгү таяныч мамыларына уруксатсыз илинген жарнамалар тазаланууда. Бул тууралуу мэриядан билдиришти. Белгиленгендей, мамыларды таза …
Бишкек шаарын көрктөндүрүү жана жашылдандыруу боюнча жарыяланган эки айлыктын алкагында борбор калаанын бардык райондорунда массалык …
Бишкекте балдар жөнүндө мыйзамдын талаптарынын сакталышы боюнча Биринчи май районунун социалдык өнүктүрүү башкармалыгына текшерүү жүргүзүлдү. …
Бишкекте Жукеев-Пудовкин көчөсүн Токомбаев көчөсүнөн «Газпром» мектебине чейин улантуу жолунун курулушу башталды. Муниципалитеттен билдиришкендей, жол …
