Бишкек шаарында өрт кырсыгынан эркек киши каза болду. Бул тууралуу Өзгөчө кырдаалдар министрлигинин басма сөз кызматы кабарлады.
Маалыматка ылайык, «Киргизия-1» жаңы конушундагы Жеңиш көчөсүндө жайгашкан 2 кабаттуу үйдүн 120 чарчы метр жер төлөсү күйүп кеткен.
Кырсык болгон жерден 35-40 жаштагы эркек кишинин сөөгү табылды. Маркумдун өздүгү жана өрттүн келип чыгуу себеби такталууда,-деп айтылат маалыматта.