Бишкек шаарындагы Токтогул көчөсүнүн бир бөлүгү 15-сентябрга чейин жабылат. Бул тууралуу мэриянын маалымат кызматы кабарлады.
Маалыматка ылайык, Токтогул көчөсүнүн Турусбековдон баштап Үмөталиев көчөсүнө чейинки бөлүгүндө жылуулук түйүндөрүн күз-кышкы мезгилге даярдоо иштери жүрөт. Мындан тышкары Фрунзе жана Тыныстанов көчөлөрүнүн кесилишиндеги жылуулук түйүндөрүнүн камерасын реконструкциялоо иштерине байланыштуу 20-августка чейин автоунаанын каттоосуна жарым-жартылай чектөөлөр коюлат.
Мэрия айдоочуларды кошумча башка жолдор менен жүрүүгө чакырды.