Президент Садыр Жапаров №26 Ленин бир мандаттуу округунда абактагы Равшан Жээнбековго эмне үчүн добуш бергенин түшүндүрдү. Бул тууралуу ал фейсбук баракчасына билдирүү жазды.
«Мага көптөгөн дос-тааныштарым суроо берип, айрымдары добушуңузду Равшан Жээнбековго бербестен мага берип койсоңуз эмне болот элеңиз деп таарынып жатышат.
Ооба. Мен добушумду камакта жаткан талапкер Равшан Жээнбековго бердим. Ал азыр камакта. Анын күнөөлүү же күнөлүү эмес экенин укук коргоо органдары менен сот чечет. Алардын иштерине кийлигишкенге эч кимибиздин акыбыз жок. Мындан ары система анан мыйзамдар так иштеш керек. Кыргызстандыктар ошого көнүшүбүз керек.
Ал эми эмне үчүн Равшан Жээнбековго добуш бергенимдин себеби төмөнкүчө.
Камакта жаткан адамдар мейли күнөөсү барбы же жокпу анысына карабай мусапыр болушат. Боорум ооруйт. Андан сырткары, Равшан Жээнбеков 2017-жылдагы менин ахыбалымдай камакта жатат. Мен да 2017-жылы камакта жатып президенттик шайлоого катышам деп арыз бергем. Бирок мени Атамбаев шайлоого катыштырган эмес. Равшан болсо катышып жатат. Балким өтүп кетсе, камактан чыгып калаар беле деген эле оюм болду. Башка эч бир сыры жок. Кудай өзү көрүп турат. Саясатташтырбагыла. Антип менин бюллетенимди журналисттер сүрөткө тартып аларын билгенимде сагыраак болмок экем», — деп жазган президент.
Буга чейин Кыргызстандын президенти Садыр Жапаров №26 Ленин бир мандаттуу округунда абактагы Равшан Жээнбековго добуш бергенин «Евразиянеттин» («Eurasianet») редактору Питер Леонард социалдык тармактагы баракчасына жазып чыккан болчу.
Равшан Жээнбековдун жер тилкеси мамлекеттин пайдасына кайтарылды. Бул тууралуу Улуттук коопсуздук боюнча мамлекеттик комитетинин (УКМК) …
«Кемпир-Абад» иши боюнча кармалган саясатчы Равшан Жээнбеков түрмө жетекчилигине өзүн китепканачы кылып иштетүүнү суранып, арыз …
Абактагы саясатчы Равшан Жээнбеков камакка алынган депутат Адахан Мадумаровго кат жазып, кайрылуу жолдоду. Жээнбеков өз …
Кемпир-Абад иши боюнча абакта жаткан саясатчылар Равшан Жээнбеков, Кеңешбек Дүйшөбаев жана Жеңиш Молдокматов материалдар менен …
Бийликти басып алуу үчүн массалык баш аламандык уюштурган деген шек менен камакка алынган Равшан Жээнбековдун …
Саясатчы Равшан Жээнбековдун камактагы жубайы Салкын Алимбаеванын абалы канаттандырарлык эмес. Бул тууралуу Govori.TVга жактоочу Гуляна …
