Жайыл районунда 3 жашар кыз каналга түшүп кетти. Бул тууралуу Өзгөчө кырдаалдар министрлигинин басма сөз кызматы билдирет.
Маалыматка ылайык, кечээ, 26-августта Чүй облусунун, Жайыл районундагы Сары-Булак айылында каналга 3 жашар кыз түшүп кеткен.
«Жерине издөө иштерин жүргүзүүгө Жайыл районунан 5 куткаруучу тартылып, саат 20:00дө кеч киргендигине байланыштуу издөө иштери убактылуу токтотулган»,-деп айтылат маалыматта.
Издөө иштери бүгүн, 27-август күнү улантылат.