Чүй облусунун Аламүдүн районунда жол кырсыгы катталып, 3 адам жабыркады. Бул тууралуу Өзгөчө кырдаалдар министрлигинин басма сөз кызматынан билдиришти.
Маалыматка ылайык, ГЭС-5 жана айланма унаа жолунун кесилишинде “Фольксваген Пассат” жана “Хонда Одиссей” унааларынын катышуусунда жол кырсыгы катталган. Анын кесепетинен 3 адам ар кандай жаракаттар менен ооруканага жеткирилген.
Кырсыкта “Хонда Одиссей” үлгүсүндөгү унаа толугу менен күйүп кеткен.