Бишкек.22.01.2019.Govori.TV.
Жогорку Кеңештин депутаты Улукбек Ормонов «Эйр Манас» авиакаттамдын жүргүнчүлөргө эскертүүсүз токтотулганына байланыштуу биринчи вице-премьер-министр Кубатбек Бороновго суроо узатты.
Эл өкүлү Ормонов авиакаттам эмне себептен токтотулганын жана жүргүнчүлөргө кенемте маселеси каралбаганын сурады. Бул тууралуу биринчи вице-премьер-министр Кубатбек Боронов авиакаттам белгилүү себептерден улам токтотулганын айтты.
Мындан сырткары депутат Ормонов ички каттамдарды кыш мезгилинде көбөйтүү керектигин айтты. Боронов ички авиакаттамдарды көбөйтүү максатында дагы 2 учак кошуу маселеси каралып жатканын айтты.
Эске салсак, Бишкек-Ош-Бишкек багытына 18-январдагы каттамдары токтотулган.