Бишкек. 14.02.2019. Govori.TV
Айыл чарба продукциясын өндүрүүдө экспорттоого ылайыкталган продукцияларды өндүрүүгө басым жасаган дыйкандарга жеңилдик берилет. Бул тууралуу айыл чарба жана мелиорация министринин статс-катчысы Максатбек Ташболотов билдирди.
“Экспортко багытталган айыл чарба продукциясын өндүрүүгө багытталган продукцияны өндүргөн дыйкандарга 7пайыздык насыя берилет. Ал эми экспорттоого багытталбагандар үчүн насыя 10пайыз менен берилет”,-деди Ташболотов.
Алдын-ала божомолго ылайык эң көп экспорттоого талап кылынган азыктарга төмөнкүлөр кирээрин белгиледи.
Алар:
Картошка, төө бурчак, кургатылган жемиштер, гилас, бал, эт азыктары, сүт азыктары, капуста, пахта жана дан өсүмдүктөрү.