Бишкектин Биринчи Май райондук сотунун чечими менен Фарид Ниязов, Бусурманкул Табалдиев жана Эрнис Апилов Түркиянын ондой жаранына, анын ичинен Орхан Инандыга Кыргызстандын жарандыгын мыйзамсыз берүү ишинде акталды. Чечим 18-мартта чыккан.
Ага ылайык, Кылмыш-жаза кодексинин (2017-жылдагы) “Коррупция” жана “Кылмышка кошо катышуучулардын түрлөрү” беренелери менен шек саналган Бусурманкул Табалдиев анын аракетинде кылмыштын курамы жок деген негиз менен акталды. Коррупцияга айыпталган Фарид Ниязов менен Эрнис Апиловго да ушундай эле жүйө менен актоо өкүмү чыкты.
Түркиялыктарга жарандык берилген учурда Ниязов президенттик аппараттын башчысы, Табалдиев УКМКнын төрагасы, ал эми Апилов президенттин алдындагы жарандык берүү боюнча комиссиянын катчысы болуп иштеп турган.
Кошумчалай кетсек, Бишкекте жашап келген «Сапат» билим берүү мекемелеринин негиздөөчүсү Орхан Инанды 2021-жылы 1-июнда жоголгон. 5-июлда Түркиянын президенти Режеп Тайып Эрдоган атайын кызмат аны Анкарага алып барганын айткан. Анкаранын Жогорку Соту Орхан Инандыны “куралдуу террордук уюмду башкаруу” беренеси менен күнөөлүү деп таап, 2023-жылы июнь айында 21 жылга эркинен ажыраткан.
Бүгүн, 28-июнда Бишкектин Биринчи Май райондук соту 2020-жылдын октябрь айындагы массалык башаламандык боюнча кылмыш ишин …
Бишкек шаардык соту Фарид Ниязовдун камакка алуу түрүндөгү Биринчи май райондук сотунун чечимин күчүндө калтырылды. …
Бүгүн, 8-июнда Бишкек шаардык сотунда мурдагы президент Алмазбек Атамбаевдин жана президенттик аппараттын мурдагы жетекчиси Фарид …
Биринчи Май райондук соту Жеңиш Молдокматов, Курсан Асанов жана Фарид Ниязовду 2022-жылдын 14-январына чейин камакта калтырды. …
Бүгүн, 2-декабрда Бишкектеги Биринчи май райондук сотунда Орхан Инандыга Кыргызстандын паспортун берүү боюнча козголгон кылмыш …
29-сентябрда Бишкектин Биринчи Май райондук сотунда Кой-Таш окуясы боюнча соттук отурумөтүп жатат. Ага бул иште …
