Кара-Кулжа-Алайкуу унаа жолу убакытылуу жабылды. Бул тууралуу жеринен күбөлөр сүрөткө тартып, интернетке жүктөшкөн.
Маалыматка ылайык, кечээ, 24-декабрда Кара-Кулжа-Алайкуу унаа жолунун бир нече аймагына анын ичинен Сары-Бээ, Кара-Ташка 1,5 метрге жеткен кар жааган. Натыйжада унаа жолу убактылуу жабылган.
Азыркы тапта унаа жолдо 4 техника иштеп жатат. Түндө Тамчыны ачышты, бирок шамал токтобогондуктан, кайра бурганак жолго кар үйлөп атат. Кечке чейин буюрса жол ачылат деп убада кылышты. Жол ачылгыча сапарга чыкпай туруңуздар,-деп жазылат маалыматта.