«Чоң Казаттын» атын жамынгандар көп болуп жатат. Бул тууралуу бүгүн аталган партиянын лидери Максат Мамытканов билдирди.
«Эгерде биздин партиянын атынан чоочун бирөөлөр бара турган болсо штабдын телефон номерине байланышып тактоо керек. Мен лидер катары эч кимге басып алуу тууралуу буйрук берген эмесмин. Ал эми Сыймык Жапыкеев Башкы прокуратурага элдин талабы менен барды. Аталган органдын ичиндеги керектүү кагаздар 2010- жылдагыдай өрттөнүп кетпеши үчүн мыйзамсыздыкты алдын алуу максатында бар дегенбиз»,-деп билдирди Мамытканов.