Бишкек. 04.02.2019. Govori.TV
25-январда Москвада кыргызстандык 21 жаштагы жумушчу жетекчиси тарабынан сабалды. Бул тууралуу бүгүн, 4-февралда ИИМден билдиришти.
Маалыматка караганда, ИИМдин Россиядагы өкүлчүлүгүнө 25-январь күнү Москвадагы ооруканага Ош облусунун Кара-Кулжа районунун 1998-жылы туулган А.Х. аттуу тургуну бети жана башынан оор жаракат алып түшкөндүгү боюнча маалымат келген. Милициянын өкүлдөрү ооруканага барышып, окуя боюнча териштирүү жүргүзгөн. Анда А.Х. Москва шаарынын Арбат районундагы «Жилищник» мамлекеттик мекемесинде короочу болуп иштей турганы аныкталган. Ал 25-январь күнү болжол менен саат 17:00 чамасында коммуналдык чарбачылыктын жетекчиси тарабынан сабалган. Бирок ооруканага түшкөндө алган жаракаты өндүрүштүк жаракат деп көрсөтүлгөн. Буга байланыштуу жогорудагы факты криминалдык жаракат катары катталбай, укук коргоо органдары тарабынан текшерүүгө алынган эмес.
Окуяны териштирүүдөн соң жабырлануучунун арызын аймактар боюнча каттоо үчүн ооруканадан тактама алынган. А.З. аттуу жарандын арызы ИИМдин Москва шаарынын Арбат району боюнча бөлүмүнүн кылмыштар жөнүндө билдирүүлөрдү каттоо китебине катталган. Көрүлгөн чаралардын натыйжасында аны сабоого шектелген адамдын ысымы такталды. Ал Арбат районунда «Жилищник» мамлекеттик мекемесинин башчысынын милдетин аткаруучу, Россиянын 1980-жылы туулган жараны Г.Н. экендиги такталды. Ал камакка алынып, Россиянын Кылмыш жаза кодексинин 111-беренесинин 2-бөлүмүнүн 3-пункту (Курал катары пайдаланылган предметтерди колдонуу менен саламаттыкка атайылап залал келтирүү) боюнча кылмыш иш козголду. Учурда иликтөө иштери жүрүүдө.
15-февралда Чүйдүн Аламүдүн районунда 3 адамдын өмурүн алган жол кырсыгы катталды. Чүй ОИББдин маалыматына ылайык, …
Алдын ала маалыматтар боюнча, Сочиде колго жасалган алкоголдук ичимдик ичкенден кийин ондон кем эмес адам …
9-10-11-декабрь күндөрү “GOVORI.TV” мультимедиалык маалыматтык агенттиги медиа айдыңындагы “Кыйын” телевизиондук ток-шоусунун алкагында сегизинчи окутуу иш-чарасын …
Govori.TV медиа рынокто 5 жыл! Интернет телеканал бейтараптуулукту карманганы үчүн бааланат. 5 жыл аралыгында Govori.TV …
Govori.TV “Кыйын” телевизиондук ток-шоусунун алкагында тренинг өткөрдү. Окутуу семинарына Кыргызстандын 7 дубанынан келген 17 айым …
9-10-11-декабрь күндөрү “GOVORI.TV” мультимедиялык маалыматтык агенттиги медиа айдыңындагы “Кыйын” телевизиондук ток-шоусунун алкагында тренинг өткөрүп жатат. …
