Ооганстандын түндүгүндөгү Мазари-Шариф шаарында бомба жарылып, эки өспүрүм мерт кетти. Бул тууралуу чет элдик басылмалар жазды.
Маалыматка ылайык, окуя 14-январда болгон. анда жолдогу бомбанын жарылуусунан 10 жана 14 жаштагы эки өспүрүм каза таап, сегиз киши жаракат алган.
«Кол салууну ким уюштурганы азырынча белгисиз. Акыркы күндөрү «Талибан» кыймылы Балх провинциясында жана Ооганстандын башка аймактарында чабуулдарын күчөттү»,-деп жазылат маалыматта.
Учурда териштирүү иштери башталган.