«Кыргыз Республикасынын 2020-жылга республикалык бюджети жана 2021-2022-жылдарга болжолу жөнүндө» Кыргыз Республикасынын Мыйзамына өзгөртүүлөрдү киргизүү тууралуу» Кыргыз Республикасынын токтомунун долбоору жактырылды. Тиешелүү чечим Кыргыз Республикасынын Өкмөтүнүн онлайн-конференция режиминде өткөн кезектеги жыйынында билдирди.
«Коронавирус инфекциясынын пандемиясынын өлкөнүн экономикасына таасири бюджеттин киреше жана чыгаша бөлүгүнө тиешелүү түзөтүүлөрдү киргизүүнү талап кылды. Ал бюджеттик каражаттарды үнөмдөөнү жана чыгымдардын артыкчылыктуу эмес беренелерин оптималдаштырууну эске алуу менен түзүлгөн. Жыйынтыгында министрликтердин жана ведомстволордун, анын ичинде Президенттин жана Өкмөттүн Аппараттарынын чыгымдарын жалпысынан 10,6 млрд сомго кыскартуу чечими кабыл алынды. Бул республикалык бюджеттин учурда болгон каражаттарын сарамжалдуу пайдаланууга шарт түзөт», — деп Премьер-министр Мухаммедкалый Абылгазиев каражаттар артыкчылыктуу багыттарга жумшаларын кошумчалады.
Бөлүнгөн 3,5 млрд сомдун 640 млн сому укук коргоо органдарынын кызматкерлерин кошумча каржылоого, 411 млн сом азык-түлүк коопсуздугуна жана 868 млн сом коронавирус инфекциясына каршы күрөшүүгө багытталды.
Мындан тышкары cаламаттык сактоо тармагын, анын ичинде мамлекеттик инвестициялык программаны каржылоо 4,3 млрд сомго көбөйдү.
«Чыгымдардын кыскарышы бюджеттин корголгон беренелерин 110 млрд сом өлчөмүндө төлөөгө таасир тийгизбейт. Бардык социалдык милдеттенмелер: айлык акы, пенсия, жөлөкпул өз учурунда жана толук көлөмдө каржыланарын өзгөчө баса белгилегим келет», — деди Премьер-министр Мухаммедкалый Абылгазиев.
Кыргыз Республикасынын Финансы министри Бактыгүл Жеенбаева 2020-жылга карата республикалык бюджетти 132 883,3 млн сом суммасында кирешелер боюнча мамлекеттик инвестициялардын гранттарын жана 170 607,6 млн сом суммасында чыгымдарды эске алуу менен финансылык активдерди эсепке албай бекитүү сунушталып жатканын айтты. 2020-жылга карата республикалык боюджеттин дефицити 37 724,3 млн сомду түзүүдө.
КР Президенттик администрациясы Сорос фондунун Кыргызстандагы өкүлчүлүгүн жабуу жөнүндө чечим боюнча комментарий берди. «Фонд командасы …
Кара-Балта жана Токмок шаарларын өнүктүрүүгө 1 миллиард сомдон бөлүнөт. Министрлер кабинетинин төрагасы Акылбек Жапаров эки …
Кыргызстандагы томолой жетим балдар 18 жашка чыккандан кийин мамлекеттен 500 миң сомдон алат. Бул тууралуу …
Министрлер Кабинети жалпы орто билим берүү системасын 12 жылдык моделге этап-этап менен көчүрүү жөнүндө чечим …
Жакынкы күндөрү Кыргызстандын президентинин тапшырмасы менен жумуш орундарын түзүү программасы бекитилет. Бул тууралуу брифингде президенттик …
Казакстанда премьер-министр кызматына Олжас Бектенов дайындалгандан кийин президент Касым-Жомарт Токаевдин жарлыгы менен жаңы министрлер кабинети …
