ИНВЕСТИЦИЯЛАР АГЕНТТИГИНИН ЖЕТЕКЧИСИ АЛМАШТЫ
Умбриэль Темиралиев президентке караштуу Инвестициялар боюнча улуттук агенттиктин директору болуп дайындалды. Бул тууралуу президенттин басма сөз кызматынан кабарлашты.
«Президент Садыр Жапаров кол койгон Жарлыкка ылайык, Конституциясынын 71-беренесине ылайык, Темиралиев Умбриэль Темиралиевич президентке караштуу Инвестициялар боюнча улуттук агенттиктин директору болуп дайындалды», — деп айтылат маалыматта.
Белгилей кетсек, аталган агенттиктин буга чейинки жетекчиси Равшанбек Сабиров өз каалоосу боюнча ээлеген кызматынан бошотулду.
АРИПОВ БИШКЕККЕ КЕЛДИ
Өзбекстандын премьер-министри Абдулла Арипов Кыргыз Республикасына иш сапары менен келди. Бул тууралуу министрлер кабинетинин басма сөз кызматынан билдиришти.
Жогорку даражалуу мейманды «Манас» эл аралык аэропортунан министрлер кабинетинин төрагасы Акылбек Жапаров тосуп алды.
Жумушчу сапарынын алкагында Өзбекстандын премьер-министри Кыргыз Республикасы менен Өзбекстан Республикасынын өкмөттүк делегацияларынын кыргыз-өзбек мамлекеттик чек арасын делимитациялоо жана демаркациялоо маселелери боюнча биргелешкен жыйынына катышат жана Кыргызстандын президенти менен жолугушат.
АЯЛЫ КҮЙӨӨСҮН ӨЛТҮРҮҮГӨ ШЕКТЕЛҮҮДӨ
Бишкекте үй-бүлөлүк чыр-чатактан улам аялы күйөөсүн бычак менен сайып өлтүрүүгө шектелүүдө. Бул тууралуу Милициянын кайгуул кызматынан билдиришти.
Маалыматка ылайык, 25-сентябрда болжол менен саат 04:26да «102» кызматына борбор калаадагы 11-кичирайонундагы үйлөрдүн биринде жаран бычактан жараат алгандыгы тууралуу маалымат келип түшкөн.
“Жеринде 41 жаштагы жарандын сөөгү табылган. Анын төшүнө бычак сайылганы байкалган. Чакыруу менен келген кайгуул кызматкерлери кылмышка шектүү катары маркумдун 39 жаштагы жубайын кармашып, тергөө кызматына жеткиришкен.
Кармалган аял үй-бүлөлүк чыр-чатактан улам өзүнүн жолдошун бычак менен сайып жибергендигин билдирген. Аталган факты кылмыштардын бирдиктүү реестрине катталып, сотко чейинки өндүрүшкө алынды”, — деп айтылат маалыматта.
ЖАПАРОВДУН КИТЕБИ ИЛИМДЕР АКАДЕМИЯСЫНА БЕРИЛЕТ Президент Садыр Жапаровдун “Жаңы Кыргызстанды куруунун багыты” аттуу китеби 1500 …
ЖЭБДИ КАЛЫБЫНА КЕЛТИРҮҮ Министрлер кабинетинин төрагасы Акылбек Жапаров Бишкек жылуулук электр борборундагы штаттык эмес кырдаалдын …
ЖАПАРОВ ЖЭБГЕ БАРДЫ Президент Садыр Жапаров бүгүн Бишкек шаарындагы Жылуулук электр борборун калыбына келтирүү иштеринин …
ЖЕР ТИЛКЕСИ МАМЛЕКЕТКЕ ӨТТҮ Мурда «Ак-Жол Болсун» ЖЧКсына таандык болгон 0,2275 га чарбалык жер тилкеси …
ӨЛКӨ АЙМАГЫНДА ЖЕР ТИТИРЕДИКытайдын аймагында очогунда күчү 6 магнитудага жеткен жер титирөө катталды.Маалыматка ылайык, Кытайдагы …
МЫЙЗАМСЫЗ САТЫЛГАН КҮЙҮҮЧҮ МАЙ Бишкекте мыйзамсыз сатылып жаткан күйүүчү май алынды. Муниципалитеттен билдиришкендей, рейддин алкагында …
