Түркмөнстанда аймактардын ортосундагы жүргүнчүлөрдү ташыган поезд жана автобус каттамдары бери дегенде 2021-жылдын 1-январына чейин калыбына келтирилбейт. Бул тууралуу өкмөтчүл Orient басылмасы жазды.
Өлкөдө аймактар ортосундагы транспорт каражаттарынын жүрүшүнө чектөөлөр апрелдин башында эле киргизилген. Жүргүнчү ташыган ички поезд каттамдары 16-июлда токтотулган. Алгач темир жол байланышын 23-июлда калыбына келтирүү каралып жатканы айтылып, ошондон бери анын мөөнөтү улам кийинкиге жылдырылып келет. Ошол эле маалда аймактар ортосунда жеке автоунаалардын жүрүүсүнө да чектөөлөр киргизилип, көптөгөн жолдор жабылган. Бүгүнкү күндө жарандар бир аймактан экинчи аймакка аба каттамдары менен гана бара алышат.
Өлкөдө коронавирус жуктурган бир да учур жок экенин билдирип келаткан түркмөн бийлиги мындай чектөө чараларын «жугуштуу оорулардын жайылуусунун алдын алуу» аракети менен түшүндүрүүдө.
Апта башында түркмөн өкмөтүндөгү өз булактар эпидемиологиялык абалдын күчөп жатканына байланыштуу өлкөдө толук карантин киргизүү каралып жатканын билдиришкен.
«Азырынча чечим кабыл алына элек, бирок 1-ноябрдан тартып бардык аймактар изоляцияга алынат деп күтүлүүдө. Ички аба каттамдар токтотулуп, жарандардын аймактар ортосунда жүрүүсүнө чектөө киргизилиши мүмкүн . Мындан тышкары массалык иш-чаларга, анын ичинде той-аштарга да тыюу салуу каралууда», — деп билдирген булак.
Ал ортодо Саламаттык сактоо министрлиги 28-октябрда жарандарга беткап тагынуу жана социалдык аралыкты сактоо зарылдыгы тууралуу СМС-билдирүүлөрдү жөнөттү. Өлкө полициясы көчөдө беткап режимин сактабаган жарандарга айып пул салууда.
Кыргызстанда акыркы жумада COVID-19дун 15 учуру катталды. Бул тууралуу Саламаттык сактоо министрлигинен билдиришти. Маалыматка ылайык, …
Кызмат өтөө шарттарынын оордугунан улам Түркмөнстандын Куралдуу күчтөрүнөн офицерлердин жапырт кетүүсү байкалууда. Бул тууралуу «Азаттык» …
Кыргызстанда бир жумада коронавирус инфекциясынын 3 учуру катталды. Оорулардын алдын алуу жана мамлекеттик санитардык-эпидемиологиялык көзөмөл …
АЯНТТАГЫ ТУУ КАЙРА АЛМАШТЫ Мамлекеттик катчы Сүйүнбек Касмамбетов 1-январда Бишкектеги “Ала-Тоо” аянтында макулдашылбаган туу илингенин …
Түркмөнстандын Балкан облусундагы бир нече мамлекеттик ишкананын жумушчулары 4-5 айдан бери маяналарын ала элек. Бул …
Оорулардын алдын алуу жана мамлекеттик санитардык-эпидемиологиялык көзөмөл департаменти өлкөдөгү эпидемиологиялык абал тууралуу маалымат берди. Ага …
