Түштүк Кореядагы «Митаг» тайфунунан 9 адам каза болуп, беш адам дайынсыз жоголду. Бул тууралуу жергиликтүү басылмалар жазды.
Маалыматка ылайык, топон суу жана жер көчкүнүн айынан Пусан, Пхохан, Ульджин, Каннын шаарында 9 адам каза таап, Канвондо, Кёнсан-Пукто, Чеджудо провинцияларында 7 тургун жабыркаган.
Түштүк Кореяда 318 адам же 175 үй-бүлө башка коопсуз жерге көчүрүлгөн. Тайфун өлкөдөгү транспорт системасын үзгүлтүккө учураткан жана 44 миң үй электр энергиясыз калган, — деп жазылат маалыматта.
Кошумчалай кетсек, Түштүк Кореяда тайфундун кесепетинен 700гө жакын учак каттамы токтотулган.