Тез жардам кызматынын унаасын өткөрүү үчүн жол кыймылынын эрежесин бузууга туура келип, ал үчүн айып салынганын шаар тургуну «Репортерго» билдирген.
Анын айтымында, 1-октябрда Абдырахманов менен Горький көчөлөрүнүн кесилишинде тез жардам кызматынын унаасын өткөрүү үчүн эреже бузууга туура келген (стоп-линиядан өтүү).
«Жыйынтыгында 3000 сом өлчөмүндөгү айып салынды. Менин артымда тез жардам унаасы сиренасы менен келсе, мен эмне кылышым керек эле? «Бактылуулук катын» жиберип жатканда атайын эреже бузбаганымды көрүшкөн жокпу?», – деди ал.