Бишкек. 23.01.2019.Govori.TV.
Караколка өрөөнүндө малчыларга илбирс кол салууга аракет кылды. Бул тууралуу Сарычат-Ээрташ мамлекеттик коругунан билдиришти.
Маалыматка караганда, окуя ушул жылдын 6-январында Караколка сырт өрөөнүндө болгон.
«Малчылар мал жайып жүргөндө илбирс алыстан койлорду качырып, бир эчкини жыгып алган. Алар алгач илбирс экенин билишкен эмес. Ошол маалда ат менен чаптырып барган малчы эчкини жеп жаткан илбирсти көрүп, экинчи чабанды чакырган. Бул учурда илбирс качпастан кайра чабандарга кол салууга аракет кылган. Мындан улам малчылар өздөрүн жана малды сактап калуу аракетин көрүшкөн. Көлөмү чоң, куйругу узун илбирсти алар биринчи ирет жанынан көрүп, таң калышты.
Илбирс негизинен аска-зоолордо, алыс жактарда жүрүшөт. Алардын төмөн түшкөндүгү илбирстердин көбөйгөнүнөн кабар берет», — деп билдиришти аталган коруктан.
Караколка өрөөнү Жети-Өгүз районунун борборунан 150 чакырым алыста жайгашкан. Ал жакта 11 үй-бүлө жашап, мал асырашат. Бул өрөөндүн ар кайсыл аймактарында 30дай малчы бар.
Булак: turmush.kg
15-февралда Чүйдүн Аламүдүн районунда 3 адамдын өмурүн алган жол кырсыгы катталды. Чүй ОИББдин маалыматына ылайык, …
Алдын ала маалыматтар боюнча, Сочиде колго жасалган алкоголдук ичимдик ичкенден кийин ондон кем эмес адам …
9-10-11-декабрь күндөрү “GOVORI.TV” мультимедиалык маалыматтык агенттиги медиа айдыңындагы “Кыйын” телевизиондук ток-шоусунун алкагында сегизинчи окутуу иш-чарасын …
Govori.TV медиа рынокто 5 жыл! Интернет телеканал бейтараптуулукту карманганы үчүн бааланат. 5 жыл аралыгында Govori.TV …
Govori.TV “Кыйын” телевизиондук ток-шоусунун алкагында тренинг өткөрдү. Окутуу семинарына Кыргызстандын 7 дубанынан келген 17 айым …
9-10-11-декабрь күндөрү “GOVORI.TV” мультимедиялык маалыматтык агенттиги медиа айдыңындагы “Кыйын” телевизиондук ток-шоусунун алкагында тренинг өткөрүп жатат. …
