Жалал-Абад облусунда унаа чуңкурга түшүп кетти. Бул тууралуу Өзгөчө кырдаалдар министрлигинин басма сөз кызматынан билдиришти.
Маалыматка ылайык, Ош-Бишкек унаа жолунун 262-чакырымында «Хонда Степвагон» үлгүсүндөгү жеңил унаанын айдоочусу рулду башкара албай чуңкурга түшүп кеткен.
Унаанын ичинде 7 адам болгон, алардын ичинен 4 киши ар кандай жаракат алышкан. Жерине Токтогул райондук №97 ӨКБдан 5 куткаруучу тартылып, жабыркаган жарандарды «Тез жардам» кызматкерлерине өткөрүшүп беришти.