Жалал-Абадда той өтүп жаткан жети тойкананын жарыгы өчүрүлүп, той токтотулду. Бул тууралуу шаардык мэриянын басма сөз кызматы билдирди.
Маалыматка ылайык, 30-сентябрь күнү Жалал-Абад шаарындагы бардык тойканаларга рейд жүрүп, жети тойканада той өтүп жатканы белгилүү болду. Жалал-Абад ресторанында 300 адамдык той өтүп жаткан.
«Аталган тойканалардын бардыгынын электр жарыктары өчүрүлдү. Аура ресторанындагы той кылмыштардын жана жоруктардын бирдиктүү реестрине катталып, иш козголду. Калгандарына айып пул салынды»,-деп айтылат маалыматта.
Эрежеге баш ийбей жаткан тойканаларга болгон рейд күчөтүлүп, күн сайын өткөрүлөт.