Баткен шаарында эки портер жеңил унаа менен сүзүшүп, анын кесепетинен 5 киши жаракат алды. Бул тууралуу ӨКМнын басма сөз кызматынан билдиришти.
Маалыматка ылайык, кырсык 13-майга караган түнү саат 00:55 чамасында Садыков көчөсүндө орун алган. Анын кесепетинен «Хундай Портер» жана «Ниссан» үлгүсүндөгү унаалар кагышып, 5 эркек адам ар кандай жаракаттарды алышкан.
«ӨКМдин №26 аскерлештирилген өрткө каршы куткаруу бөлүмүнүн куткаруучулары жабыркагандарды унаадан чыгарып, тез жардам кызматына өткөрүп берди»,-деп айтылат маалыматта.