Бишкек шаарында итти унаасы менен тебелеп кеткен айдоочу изделүүдө. Бул тууралуу Ленин РИИБнын басма сөз кызматы кабарлады.
Маалыматка ылайык, 28-январда Бишкектеги көчөлөрдүн биринде Тойота Авенсис үлгүсүндөгү унаанын айдоочусу итти тебелеп кеткен.
«Бул факт Кылмыштардын жана жоруктардын бирдиктүү реестрине 132-берене (жаныбарларга орой мамиле кылуу) менен катталып, сотко чейинки өндүрүшкө алынды. Учурда тергөө иштери башталып, айдоочу изделүүдө»,-деп айтылат маалыматта.
Белгилей кетсек, буга чейин социалдык түйүндөрдө айдоочу итти унаасы менен атайын сүзгөн видео тараган.